有無綫高層樂易玲和六嬸方逸華力撐，萬人迷林峯近年極速上位，但卻是非多多。上月林峯竟在《萬千星輝頒獎禮》砌低陳豪，奪「tvb.com人氣大獎」和「我最喜愛的電視男角色獎」，雖然事後被網友鬧爆，但兩個獎依然袋袋平安。
無綫錫晒，但外人就未必buy。上周商台公布《叱咤樂壇頒獎禮》的我最喜愛男歌手十強名單，人氣高企的林峯居然冇份入圍！消息一出，英皇高層吳雨即在微博發炮鬧商台：「這個台是不必用常理去猜測！」峯迷亦在討論區狂撐偶像。不過當農夫得知林峯叱咤冇獎，即寸爆對方：「佢紅遍亞洲喎，冇所謂啦！」


上月港台率先宣布今年頒獎禮的入圍名單，林峯竟然一首入圍作品都冇。上周輪到商台開記招宣布各獎項最後十強名單，林峯亦同樣冇份入圍，盡食白果。英皇行政總裁吳雨即時在微博發炮：「阿峯在叱咤我最喜愛男歌手，竟然十大不入，記者來電問我為何會這樣……這個台是不必用常理去猜測！」

踩峯派

撐峯派

電台冇好友
其實商台向來支持實力和創作歌手，因此DJ較少播林峯的歌。一名商台職員表示，商台眾DJ每周都會開定出要催谷的歌曲，再經高層批核成為正式指引，讓全體DJ跟播，「DJ其實都有自己喜愛嘅歌手，所以每次開會DJ都會幫『自己友』爭quote，爭唔爭到最終都要睇高層，不過林峯又真係冇乜DJ幫佢爭。」
而港台《十大中文金曲》製作總監周國豐亦指林峯的歌不啱DJ口味：「我哋嘅DJ對播放咩歌有好大自由度，冇任何播放指引去控制播放率。歌手有冇參加宣傳都好影響播放率，可能林峯今年拍劇太忙，或者佢啲歌唔啱DJ口味，所以今年成績唔太好。」
商台港台唔撐林峯，想不到同為歌手的農夫不表同情之餘，仲向本刊狂寸林峯：「佢有冇出到碟o架？大佬，佢紅遍亞洲喎，冇所謂啦！佢啲獎咪佢嗰架馬沙拉蒂囉，佢揸返廠拍嘢仲唔係獎呀？（都要有獎揸手。）佢有幾幢樓揸手啦！佢身上嘅錢財大家都睇到啦，佢做到呢行搵到咁多食，唔係要攞晒每個台嘅獎o架，仲可以攞嗰日（頒獎禮）嚟搵錢，幾勁！」
音樂人雷頌德則表示，雖然知道林峯受歡迎，但自己甚少聽佢啲歌：「政治因素？其實年年都係咁o架喇！我諗佢成個人依家都係好受歡迎，但我少聽佢啲歌！」

無綫錫到燶

峯迷Vs反峯派

無綫頒大獎呵番
雖然林峯失落兩台獎項，不過貴為無綫親生仔的林峯絕對唔使愁，皆因無綫會頒大獎安撫他。據知樂小姐得知愛將失獎，即時做嘢。知情者說：「阿峯每次有事樂小姐都撐到底，今次都一樣，本周日（19日）TVB8嗰個頒獎禮，雖然一早預咗金曲獎同最受歡迎男歌星俾阿峯，但係電台單嘢公布之後，樂小姐即時要求公司連全球觀眾最愛粵語歌曲獎都俾埋佢。而1月嘅勁歌頒獎禮亦會有大獎，誓要佢做大贏家。咁林峯係無綫親生仔，公司梗係支持啦。」
記者致電無綫非戲劇製作總監何麗全，求證無綫是否在TVB8及勁歌頒獎禮頒大獎安撫林峯，他即否認：「我哋都未開會，TVB8星期日（19日）舉行，我哋星期四（16日）先開會睇分數。」之後便匆匆掛線。不過林峯Fans Club
近日已收到林峯經理人通知，TVB8頒獎禮和明年1月15日的《勁歌》頒獎禮，林峯都會獲不止一個的大獎，叫定fans準備為林峯慶祝。所以囉，林峯使乜愁。


我有無綫撐，一樣有獎攞。（設計對白）
自港台同商台公布頒獎禮入圍名單後，冇份入圍嘅林峯一直喺國內同馬德鐘拍緊劇，不過周日（19日）林峯就會返港出席《TVB8頒獎典禮》掃獎，大家拭目以待嘞！


本周二（14日）農夫嘻皮笑臉向本刊狂寸林峯叱咤冇獎：「佢嗰啲獎咪佢嗰架馬沙拉蒂囉！」


除了農夫，資深音樂人雷頌德亦說：「我少聽林峯嘅歌！」擺明唔撐！


阿Sa：林峯係一個全能藝人，佢有電視劇有電影有唱歌，我相信一年嘅成績唔代表啲咩囉！


William：我覺得每個頒獎禮都有自己喜好嘅歌手，所以有時好多嘢都唔係歌手可以控制。


陳煥仁：林峯把聲好有特質，而佢亦有一種草根嘅共鳴，我覺得佢嘅事業係啱啱開始，佢一定掂o架！


上月林峯喺《萬千星輝頒獎禮》奪「tvb.com人氣大獎」和「我最喜愛的電視男角色」兩個大獎，無綫寧可違反民意，亦唔撐陳豪，被網友插爆。


據知林峯fans club早已收到無綫消息，林峯會在TVB8及勁歌頒獎禮攞大獎。


近年邵氏電影力谷林峯拍電影，喺暑假檔期上畫嘅《翡翠明珠》，就由林峯同阿Sa做主角，可惜票房只得三百幾萬！


早前林峯主演的電影《翡翠明珠》票房仆直，被邵氏電影製作總監黃家禧指他在電影上缺乏號召力。之後樂易玲即找來六嬸親筆信，上面寫着「無懼閒言，好評如潮，再創佳績。」樂小姐還親自攞信上大陸冧愛將。


踩峯




撐峯



今年4月林峯被影到換咗架160萬嘅馬沙拉蒂去開工，即被封為最有米小生！


吳雨一向直話直說，當商台宣布最受歡迎男歌星十大冇林峯份，即在微博鬧爆。


arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄