泳兒8歲移民新加坡，23歲回流參加英皇新秀大賽奪得亞軍，僅輸畀同門鍾舒漫。認識她，因05年一曲〈感應〉，超高音演繹是唱K必嗌，09年與海鳴威的〈我的回憶不是我的〉，是《勁歌金曲》最受歡迎合唱歌。最近推出雙CD+DVD新曲加精選碟《Vin'Selection》，共29首歌及13隻MV，包括3首新歌，擺明聖誕賣大包。

不酸
雜誌話泳兒不滿師姐祖兒得寵而不和，邊個話o架？係不和就唔會用新歌向師姐致敬啦！「〈有誰來愛我〉是一首很慘很慘的情歌，覺得師姐Joey的慘歌很代表失戀心聲，所以歌詞用了唔少她的歌名如〈何苦〉、〈阿們〉等。」新碟《Vin'Selection》為新曲加精選共6隻碟，整個包裝成粒骰(1)，4個造型代表人生甜酸苦辣，入行11年，下年想跳多點舞，「重看舊時的演出跟唱K冇分別，左手更常常不自覺地係咁郁，近來多留意韓國歌星如IVY(2)等，亦想試跳舞，希望壓台感更好。」

不甜
生活了15年的新加坡改變了不少，泳兒坦言只因工作到過金沙，「未去過環球片場，我喜愛迪士尼的fairy tale，最愛小魚仙。」但邊個話童話總係甜美o架？「小學時扮過美人魚，因那套衫全班只得我着得落，但冇人諗過穿上魚尾根本不能走動，老師用手推車推我出場，可惜沒拍照！聖誕節最想跟小魚仙的王子到一個有雪的地方過。」慘係慘，但都係一個不甜但美好嘅回憶！


「我骨架細，shoulder pad一定跟身，最近做gym操橫個膊及腹肌。平時愛到KniQ及Liger買衫。」泳兒粉底打得很薄，皮膚滑溜，原來媽媽不單管衣着，更精於護膚之道。「我會用屈臣氏買到的DML護膚霜，也會敷LANEIGE過夜面膜（$190)，每晚敷媽媽從批發商訂來的保濕面膜，每次訂一千塊，很便宜。」

不苦
做藝人，形象最緊要，泳兒醒，識搵Sammi形象指導鄧麗幫手，但實情係「這些年改變得最多的是衣着，以前媽媽(3)負責揀衫，次次都黑衫褲皮鞋，很OL，聽人話興撞色，就幫我襯了橙衫、喇叭褲加方頭靴去比賽面試。」
媽媽是緊張大師，會上香港討論區看她的話題，「早排配合〈十二個我〉形象要着露腰衫(4)，幸好雜誌及討論區回應很正面，我又保證會黐膠紙打底，媽媽終於放心。」

不辣
屋企超保守，中三前不准去夜街，皆因爸爸同媽咪在公園拍拖時試過有色狼偷襲媽咪，故怕乖囡遇上色狼，「讀大學時父母返香港，得我自己喺新加坡即刻作反！最鍾意同朋友(5)去East Coast Park(6)，睇人玩滑板！Daddy一直反對我入行，因為驚學壞，但佢家會跟住收音機唱〈我的回憶不是我的〉，媽媽亦最欣賞呢首歌，可以唱K同Daddy合唱！」屋企咁嚴，難怪叫泳兒揀樣嗜好，諗嚟諗去都只得「whatsapp，我係全公司最快覆message嗰個！」


(1)


(2)




(3)


(4)


(5)


(6)

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄