上星期六（18日）特首曾蔭權喺佢個上亞厘畢道facebook fans page內上載條同MC Jin合作嘅MV〈Rap Now 2010〉同港人賀聖誕，仲大字標題話要rap出正能量，打造潮爆聖誕，一心諗住用創意向年青人恭賀。可惜曾特首喺MV內略嫌表情生硬唔多hip hop，加上MC Jin啲歌詞又狂嗌起錨口號似做宣傳，結果MV出街後俾網友插爆外，連林海峰同森美忍唔住要齊齊開咪寸爆特首。
林海峰星期一喺電台節目《晴朗》就改歌詞：「特首rap點解唔搵LMF，一齊十吓、十吓！」之後佢仲插二人冇火花話：「其實佢同MC Jin係1+1=0囉！」同日森美就喺《早霸王》接力插：「一兩句就有趣，成條片就飲醉！特首擺明飲醉啦！你當我哋年青人傻嘅咩！」似乎特首今鋪未潮得起喎！

 


首〈Rap Now 2010〉，特首舒服咁坐喺官邸×MC Jin扮潮rap歌，之後佢用手指打拍子，可惜打錯beat，被網友同DJ插爆。


MC Jin同政客rap歌唔係第一次，上次為奧巴馬選總統rap造勢，今次就幫煲呔同港人賀聖誕，唔同係後者俾本地網友插爆！


一齊十吓十吓！真實對白


你當我哋年青人傻嘅咩！真實對白
特首諗住學潮同MC Jin rap，點知冇人buy，仲俾林狗同森美狂插，潮人唔易做o架。


MV一出被網友劣評，更有人改歌詞叫特首「×街」同返印度食蕉。


arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄