自淫照事件後陳冠希（Edison）曾揚言「無限期」退出香港娛樂圈，不過一年後又再度回歸撈博翻身。他除了高調說想拍電影外，更出席慈善活動增加曝光率，可惜均無功而還。
最近陳冠希又諗新橋，親自出馬斟美國樂壇天后Lady Gaga嚟亞洲搞巡迴演唱會，希望老闆林建岳科水投資。可惜天后身價竟達1億，岳少在回應本刊查詢時便寸爆Edison：「1億？佢俾我呀！」


在美國潛藏一年嘅陳冠希，呢年開始伺機曝光，除咗間中幫自家品牌時裝四出宣傳外，又出席慈善活動，但真正賺錢嘅工作可謂寥寥可數。至於由他一手創辦嘅潮店Clot，近年亦少了潮人追捧，生意未如初開時興旺。不過誓要捲土重來嘅陳冠希，本月初便於「微博」宣稱，正與識於微時嘅Lady Gaga經理人Troy Carter斟洽，密謀獨家代理Lady GaGa 2012亞洲巡迴演唱會。不過天后身價當然非同凡響，據知單是歌酬已達$1,500萬美金（約1億1千萬港幣），如再加上演唱會製作費及天后音樂班底支出，估計整個演唱會成本高達1億3千萬，令背後出錢嘅岳少打個突。

分分鐘蝕凸
知情人士說：「之前岳少打本俾佢開CMD，諗住佢賺大錢，點知冇耐就發生淫照事件，使咗岳少唔少錢。呢年來CMD只係得農夫搵到錢，依家連睇檔嘅DJ Tommy同農夫都走埋，公司只係淨番冇知名度嘅樂瞳，真係冇乜錢賺。Edison仲話要成億搵Lady Gaga，其實用咁大數目去做演唱會好冒險，除非搵到一半以上（即5千萬）贊助，如果唔係蝕硬，岳少梗係唔多like啦！」
上周四（9日）林建岳出席《亞洲電影博覽會閉幕晚會》，本刊記者問他陳冠希是否他揼一億幫Lady Gaga開演唱會時，他即寸爆陳冠希說：「呢啲嘢問返佢啦。（會唔會投資一億？）一億？佢俾我呀？」其後本刊致電演唱會之父張耀榮，問他有冇興趣投資Lady GaGa演唱會，他即乾笑幾聲推搪說：「哈哈哈，東亞係大公司，搞慣大騷，佢哋應該可以搞得好好睇。（Edison有冇搵你？）冇喎！」陳冠希想翻身，認真有難度！

復出搵錢唔多
今年陳冠希正式全面復出搵銀，亦有唔少曝光率，不過大部分都係冇錢騷，難怪佢咁心急搵錢。


老細，求你打本俾我！（設計對白）
陳冠希掛正牌頭做CEO嘅CMD一直由岳少揼水，不過自爆出淫照事件後難賺大錢，因此他希望傾成Lady Gaga演唱會省靚招牌，可惜岳少拒絕投資。


上周四（9日）本刊問岳少會否投資1億讓Edison搞Lady Gaga演唱會時，他即晦氣回應：「1億？佢俾我呀！」


今年8月陳冠希將與Lady Gaga合照放上Blog，仲話自己同佢好老友。到12月初他又在微博說自己正計劃請Lady Gaga來亞洲開演唱會，並叫fans祝他好運。


曾經由陳冠希公司CMD一手捧紅嘅農夫，於今年10月跟經理人DJ Tommy一起劈炮離巢。



今年6月陳冠希嘅時裝店由銅鑼灣樓上舖搬到地舖，並舉行開幕禮，Edison一家罕有地總動員出席撐場，不過唔少網友都留言唔buy clot。




本月6日Edison同舒淇、陳寶珠一齊出席香港血癌基金活動，話明係慈善活動，當然係冇錢收。


10月中陳冠希跟隨公司到上海出席東亞群星演唱會，久未於台上演唱嘅Edison仲孖住鄭秀文同台演出，不過都係冇錢。


本月5日陳冠希正式宣布擔任亞洲遊戲展代言人，叫做賺番個錢。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄