排位睇資歷
雖然Louis年紀輕輕連奪三獎，但強調在魔術界唔係用獎項來決定魔術師嘅排位，其實都係睇大家嘅知名度高低論資排輩，反而曾表演魔術的藝人當中，Louis認為最掂係劉華。
美國︰大衛高柏飛
「雖然佢喺美國係上一代嘅魔術師，而且只係參加咗幾個比賽，但論全世界嘅知名度嚟講，佢依然係大師級。」
台灣、中國︰劉謙
「劉謙係我嘅前輩，佢仲要比我仲細就已經出場。佢好聰明又識搞笑，佢好叻將觀眾帶入舞台嘅氣氛。」
藝人︰周杰倫
「我都有睇過佢喺節目度表演抽啤牌，雖然係基本嘅魔術，但睇得出佢好有潛質，始終佢係藝人，識得點同觀眾表演同交流，對表演魔術好有幫助。」
馮德倫
「我都有睇佢出隻《最好世界變》VCD，雖然佢喺街頭表演唔係一啲好深奧嘅魔術，但佢嘅投入度好高，尤其係佢同個外國人喺木箱度調轉同偷表呢兩幕我都好欣賞。」
劉德華
「我覺得咁多artist，劉德華係最好睇嗰個，佢會加好多台詞嚟present，好有自己嘅特色，而且佢好有showmanship。」
28歲魔術師Louis
Louis在街頭示範close-up magic（近距離魔術），邀請途人一齊幫手變走打火機上嘅圖案，手法快到觀眾金睛火眼都睇唔切，個個都話好犀利。
今年8月，Louis先後贏得第73屆「美國Abbott Magic國際公開魔術大賽」冠軍共3個國際獎項，同時仲獲頒有「魔術界奧斯卡」之稱嘅梅林獎（Merlin Award）添。
11/12 狂出騷
Louis擅長表演變白鴿和煙花效果，將氣球擲落地變成白鴿飛起，而白鴿飛到半空又會變成煙花消失，咁精采，難怪《歡樂滿東華》邀請咗佢獻技籌款。
16/12
Louis早在萬聖節和欣宜一齊表演過「刀鋸美人」，上週四佢哋再次合作，欣宜負責唱，而Louis就一邊變出雪花伴唱，最後仲憑空變出鮮花送畀欣宜。
No Smoking
拆解︰Louis解釋打火機圖案消失之謎，原來趁觀眾唔為意時用第二個冇圖案嘅打火機調包。
二合一︰但最神奇嘅係，Louis最後在觀眾雙手保管打火機嘅情況下，將兩個打火機「合體」。
Back in Time
Louis表演一個名為「Back in Time」嘅魔術，在雙手冇接觸過鞋帶嘅情況下，令鞋帶「自行」縛番好。
Louis在fb中亦開設官方戶口，經常post上佢嘅工作近況和表演片段，吸引唔少粉絲留言力讚。
留言列表
