台灣電影《那些年，我們一起追的女孩》大收，由歌手蕭敬騰同周秀娜主演嘅《殺手歐陽盆栽》亦食住台片熱潮殺到香港，上星期四（十月二十七日），電影响尖沙咀舉行首映禮，父女檔做監製嘅曾志偉曾寶儀，盛裝準時到場，男主角蕭敬騰更有大班fans現身撐場，唯獨遲遲唔見女主角周秀娜。


活動安排六點四十五分開始，周秀娜遲到四十五分鐘，全場記者呆等，蕭敬騰班fans更加等到唔耐煩，不斷叫周秀娜「唔好嚟啦」。娜姐事後多多解釋：「因為塞車，加上我响電影入面做殺手，我想喺造型方面有啲殺傷力，所以遲咗！」娜姐口中嘅「殺傷力」，原來係指「托胸」，講真，效果並唔凸出，完全比唔上早個禮拜，以四吋事業坑招呼同樣來自台灣嘅陳喬恩。呢個大話，點講都講唔通囉！ ####


為什麼沒有六吋？（設計對白）唔夠時間呀！（設計對白）遲大到嘅周秀娜，俾蕭敬騰班fans勁噓，佢解釋因為托胸托耐咗，如果遲四十五分鐘都只係得兩吋事業線，咁佢上個禮拜用嚟招呼陳喬恩嗰四吋事業坑，咪用咗兩個鐘？


《殺手》响台灣票房埋單過千萬港元，曾志偉兩父女話希望香港都可以攞到好成績。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄