外闖多年，四十八歲的張兆輝最近回歸無綫拍劇，咪以為佢唔掂要返娘家捱騾仔，其實他早已由昔日只得三萬月薪的小生，變成手揸千萬豪宅及工廈，資產半億的有米中生。回巢拍處境劇，只係打風流工。

掃豪宅工廈
離開無綫十年，回巢拍處境劇《結•分@謊情式》的張兆輝，適逢無綫鬧小生荒，要銀彈求外援，回歸身價由原本三萬元一集，加到五萬元一集，暫拍一百二十集（每日播出半小時當半集計），打個轉就穩袋三百萬。對作風踏實的張兆輝而言，三百萬稱得上可觀，但卻絕非急需。事關這位中生都相當有米，賬面資產有半億。去年，張兆輝一擲二千多萬買入豪宅貝沙灣自住，手上還揸住馬鞍山一個市值千三萬的複式單位，他更洞悉先機，早在○九年，已向工廠大廈埋手，以平價一百八十萬購入火炭區三千呎的貨倉，食正政府要活化工廈發展，張兆輝所持的工廈單位，市值漲至六百萬，升價三倍，加加埋埋，張兆輝單是不動產已近五千萬。「佢手揸馬鞍山層樓一早已經供完，工廠大廈單位更加係一炮過買，供都唔使。最近聽佢講吼個市再落，就再掃工廠大廈喎！佢手頭充足，掃掃埋埋啲單位都唔急放，所以佢依家拍戲只係為過癮。」張兆輝住豪宅，揸寶馬開工，子女出入亦有司機接載，拍劇亦手戴八萬八、香港獨一無二的限量版勞力士Explorer開工。

輝黃演唱會
財來有方，昔日張兆輝在無綫月薪約有三萬，○一年他決定唔再留低一做二十年的娘家，與老婆拍住上從商，開拓美容生意，跟同期的張玉珊、陳妙瑛拗手瓜賣胸豐產品，亦賺到人生第一桶金。因為人緣好，演藝事業亦同樣吃得開。○四年參演電影《大隻佬》開始，變成杜琪峯愛將，《黑社會》、《復仇》及《奪命金》等一部接一部。此外，四年前他跟死黨黃日華以《輝黃演唱會》旗號到內地登台，登台叫價五十萬一場，唱遍大江南北。密做密執，但對身家豐厚一事，張兆輝只稱太太投資有眼光，至於是否準備再出擊掃工廈，他說：「係呀！等個市回落少少就想買多個工廈單位，手揸多啲物業，俾我多啲動力拍戲賺錢供樓 囉。」

半億物業
####


估你唔到咁有米！（設計對白）使乜講！（設計對白）


近日張兆輝把翠擁華庭的1500呎複式單位，裝修後以三萬元放租。日前記者以租客身份睇樓，發現其單位露台超大，景觀有山有海屬於筍盤。


早前張兆輝被發現在貝沙灣寓所附近跑步，為 處境劇操fit個殼！


01年劈炮無綫後張兆輝一直是杜琪峯電影的愛將，早前他跟大隊為電影《復仇》出席威尼斯影展。


身家豐厚的他，戴住隻價值八萬八的限量版勞力士Explorer開工。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄