無綫同五大唱片公司反面，令到有線、 now同亞視漁人得利，頻頻拉攏五大唱片旗下歌手合作，好似最近 now101台嘅《撳錢》咁，佢哋請咗班歌手跳出錄影廠拍短片，然後擺喺節目播出，等觀眾睇完之後再答問題。日前環球唱片嘅吳雨霏（ Kary）同 Mr.以及杜如風幫《撳錢》拍外景，佢哋踩去馬鞍山一間泰國菜館學煮泰菜，師傅教 Kary同杜如風整柚子沙律，點知佢哋一捧住個碌柚即刻話：「劈友（柚）。」跟住將個碌柚拋嚟拋去研究點劈，結果搞咗成粒鐘先至劈開個柚。
放大圖片 
Kary同杜如風扮泰妹講泰文講到變粗口。
放大圖片 
地獄廚神 Kary同杜如風學整泰國菜，結果搞錯晒啲醬料。
變性接待 Mr.
之後煮泰菜， Kary同杜如風又搞錯晒啲醬料， Kary咁嘅廚藝，難怪早年喺《美女廚房》被封地獄廚神啦，好明顯 Kary呢 5年嚟廚藝完全冇進步。唔單止咁， Kary孖住杜如風扮女接待員招呼 Mr.，又鞠晒躬又講泰文歡迎佢哋，原本女仔同人講歡迎或者你好嗎係講：「沙話 D car」點知佢哋一開聲就變咗男人語法話：「沙話 D cup」，之後又將泰文講成粗口，笑到 Mr.同現場工作員肚痛。 
Kary（左）望住杜如風手上個碌柚，唔知點入手。
全站熱搜
留言列表
