愛有代價

 

今年八月，李丞責被踢爆跟○九年港姐冠軍劉倩婷（Sandy）撻着，為保形象，他自稱與老婆譚佩麗己經分居多時，亦於今年四月辦離婚手續。據了解，擁有過億家身家的李丞責為攞正牌溝女，答應跟前妻對分過億身家。冇咗個老公，但忽然富貴的前責嫂，買完豪宅再買跑車，各自各精彩！

招呼李兄長
上週三七點，劉倩婷媽咪做主人家為李丞責搞驚喜生日宴，更不時出出入入，招呼李的屋企人及朋友。而劉倩婷跟李丞責則在七點半到達。

招呼少年食神
李丞責亦十分識做，接受何麗全的NOW訪問，特登在綠島茶餐廳門口，一舉兩得幫手做埋宣傳。

驚喜生日
回復單身無耐的李丞責，日前出席新書發布會時，公開表示與刻意到場支持的新歡劉倩婷拍拖只有個多星期。其實二人早在今年五月主持風水節目《香港玄案》已經撻着，當時劉倩婷曾向身邊好友透露，李丞責為要與她名正言順拍拖，決定簽字離婚。男友攞正牌，上週三（十月二十六日），李丞責四十三歲生日，劉母客串下廚煮海鮮餐，為「未來女婿」舉行驚喜飯局慶祝，李丞責家人、好友黃栢高、何麗全、少年食神Michael均有出席。

識氹老人家
踏正七點，劉母先到達餐廳打點，中午開始已經陪住李丞責睇戲飲下午茶的劉倩婷，拖住壽星七點半出現。據知，當晚劉母落足心思炮製「三蝦餐」，寓意李丞責全年開心哈哈笑。「Sandy（劉倩婷）媽咪對個女以前啲男朋友都冇乜好感，事關啲男仔好多都係仔又鍾意玩，之前嗰個鬼佬男友因為住喺英國，仲要Sandy成日飛去英國探佢，搞到佢唔可以專心做嘢；Sandy媽咪驚個女唔識揀，所以一直都希望佢有個成熟嘅男朋友，可以照顧Sandy。李丞責啱晒條件，加上佢好識氹老人家，好多時都會約埋兩母女一齊飲茶食飯，所以Sandy媽咪好鍾意佢，今次搞生日飯局，都係Sandy媽咪嘅意思。」知情者說。

前妻買波子
得「未來外母」支持，李丞責亦唔敢怠慢，答應分一半身家給前妻換自由。「佢哋（同前妻）都拖拉咗一段時間，爆咗同劉倩婷一齊單嘢之後，佢唔想再有負面報導，咪即刻搞掂啲離婚手續，仲肯分身家俾前妻。佢前妻好捨得，之前已經喺元朗買咗幢八百幾萬嘅獨立屋，幾個月前又買咗架百幾萬嘅波子（保時捷）；李丞責講起前妻都好激動，事關佢到而家都唔捨得買波子。」李丞責身邊人說。對於男友分七千萬身家給前妻，堅稱同李丞責拍拖無耐的劉倩婷在電話中回應：「我唔知佢同前妻分咗身家，所以唔方便評論。」至於得到媽咪支持拍拖，劉倩婷說：「媽咪覺得佢孝順，對老人家好好，所以對佢有好感。」

分一半
李丞責自稱與前妻譚佩麗分居兩年，今年四月辦離婚手續，日前更正式宣布，將09年港姐冠軍劉倩婷追到手。自由有代價，據了解，李丞責將早年與前妻聯名買入的物業分批出售，勁賺超過千萬。他接受訪時曾表示名下物業約佔總資產四成，身家保守估計近1.5億。如果按照本港夫婦離婚分一半身家的慣性做法，譚佩麗應該有$7,500萬落袋。

與前妻聯名持有物業
####


李丞責前妻譚佩麗早前以八百多萬購入位於元朗加州豪園獨立屋，今年7月則以144萬購入保時捷新車，冇老公後的她，繼續豪買。


未正式宣布拍拖，九月初，二人出席公開活動，李丞責已不避嫌等埋劉倩婷一齊坐車離開。


今年5月出席《香港玄案》開鏡活動，李丞責已經氹得劉倩婷好開心，裝香拜神時笑個不停。


6月，李丞責將二人拍外景合照放上微博，對女友有讚冇彈。


去年2月，鬼佬男友來港探劉倩婷，她帶男友到中環蘭桂坊夜蒲。（《蘋果日報》圖片）


去年10月，他跟楊崢主持《中華福地》時傳出緋聞，更將另一主持呂慧儀踢出局。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄