今年三月，吳綺莉帶同女兒卓林返港定居，並回歸幕前，為無綫主持清談節目《女人有話兒》，諗住吳綺莉大把巨星好友做後盾，受訪對象實有睇頭，點知事與願違，三、四線藝員都做到嘉賓，加上吳綺莉處處維護，問題閘住閘住，節目欠吸引，收視慘淡！無綫原本計劃安排她的拍劇大計，亦即時嗌停。


節目頭兩集，吳綺莉碌人情卡請來袁詠儀和吳君如做嘉賓。

唔肯妥協
吳綺莉回流，為無綫收費台主持十三集清談節目《女人有話兒》，騷價八千一集。開頭幾集，吳綺莉的確有碌人情卡，請來姐級好友袁詠儀同吳君如做嘉賓；但無以為繼，連二線都稱不上的羅敏莊、胡蓓蔚都獲邀做嘉賓，受訪人物無吸引力，收視更加慘不忍睹，穩守收費台最差收視頭一、二位。「當初無綫搵Elaine，無非都係貪佢夠綽頭，可以打人情牌，搵葉玉卿、邱淑貞呢類多人識，但近年唔多蒲頭出鏡嘅星做嘉賓，到頭來最紅嘅已經係靚靚同君如。啲嘉賓唔夠照，（收視）差係意料中事，不過估唔到差成咁，好在呢個係收費頻道，收視得內部知，上頭已經落咗order，話唔使再care個節目，播完就算！」一名無綫幕後透露。節目推出前，吳綺莉曾經在宣傳活動上說：「依家觀眾唔鍾意客套說話，喜歡深入啲，我唔想一早set好問題，最好係即興發揮。」嘉賓對住吳綺莉的確無戒心，暢所欲言，可惜吳綺莉未有把握，唔曉「捉鹿脫角」，對一些有爭議性，稍尖銳的問題，更加可免則免。節目出街後，無綫曾與吳綺莉開會檢討，反映意見，但她卻以「唔想得罪朋友」為理由拒絕妥協多加兩錢 肉緊。

暫擱拍劇
無綫與吳綺莉簽約兩年，本已計劃好做完節目主持，再安排參與劇集演出；如今清談節目低開，無綫不欲兵行險着，於是暫擱吳綺莉的拍劇 安排。「原本叫咗Elaine返TVB見監製，而家都hold住咗，至於幾時會俾佢拍（劇），上面暫時未有指示。」回歸香港，吳綺莉以五百二十八萬買下村屋，要供樓加上女兒學費，但復出頭炮打唔響，大失預算！

未必中
娛樂圈新人接唔上，斷層情況嚴重，造就唔少久休藝人復出機會，不過，都唔一定個個掂，鋪鋪中。

關淑怡
關淑怡06年舉行三場復出個唱，票房慘淡，開騷前三星期，只有尾場的100元門券售罄，要以半價賤賣，最後得七成入座率。

陳慧嫻
08年，陳慧嫻在九展舉行兩場復出個唱，反應未如理想，事前更有指她患上焦慮症，失聲失常，之後開騷亦錯漏百出，劣評如潮。近年，陳慧嫻已甚少在香港出現，轉攻內地。

劉美君
闊別14年，劉美君08年宣布復出樂壇，更首次在紅館開個唱，但反應奇差，有一半門券由主辦商負責散飛周圍派。復出失利，劉美君轉拍電影，又先後擔任《超級巨聲》和《亞洲星光大道》的主持和評判。

徐小鳳
93年淡出樂壇，12年後以天價復出，在香港舉行23場個唱，大收旺場，但唔夠一年又再添食加開10場，令門券滯銷。 ####


乜咁濕滯？（設計對白）
吳綺莉在無綫收費台主持的節目，收視慘淡。（《蘋果日報》圖片）


同吳綺莉分屬好友的葉玉卿（左），未肯回港為老友撐場。


吳綺莉在大埔以528萬買村屋，帶埋女兒返港定居。


吳綺莉在上海生活富泰，毋須工作，出入有司機接送。


吳綺莉返港定居兼復出，令身在台灣的林鳳嬌再度成為傳媒追訪的目標。（台灣《蘋果日報》圖片）


返港初期，好友之一的邱淑貞借出甲蟲車給吳綺莉代步。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄