明明係唱作人，近年陳奐仁撈到過晒界，之前拍電影《李小龍》，攞到金像獎最佳新演員獎，家陣仲踩入視圈，拍攝無綫全新處境劇《結•分＠謊情式》。
上個禮拜六（廿九日），劇中演員喺將軍澳做宣傳，著上中國傳統婚嫁服嘅陳奐仁扮風度，想拖實蒙住頭巾嘅湯盈盈上台，點知自己叉錯腳，差啲成個仆喺度。


唏，大吉利是！仆親事小，最怕收視仆，前一套處境劇《誰家灶頭無煙火》，外間反應一般，仲俾人改花名叫做《誰家桑拿無冰火》，身為《謊情式》男女主角，娥姐同張兆輝都話冇得擔心，只係希望如果觀眾受落，無綫記得請食飯喎。 ####


諗住扶湯盈盈上台，點知陳奐仁叉錯腳，成個人向前仆。


谷劇離唔開扮鬼扮馬，娥姐同張兆輝點玩都得，反而同心姐謝雪心一啤嘅修哥，唔知點解冇乜笑容。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄