有其姊必有其妹。家姐莊思敏拍拖冇句真，細妹莊思明都唔輸蝕，俾人影過N次同陳慧琳細佬陳司翰孖咇四圍去，一樣死口唔認蜜運！上個禮拜三（廿六日）半夜一點幾，《壹》仔奉命去深水灣俱樂部，直擊郭富城生日宴，點知咁啱撞見陳司翰、莊思明、傅明憲等人遊完船河，準備走人。


無諗過現場有記者，陳司翰同傅明憲一人一句賴對方引記者嚟深灣，呢個時候突然有個黑影跑過，原來係莊思明。女友雞飛狗走，陳司翰忍唔住埋嚟盤《壹》仔：「有冇咁啱呀！（冇呃你，真係咁啱！）你就好啦，搵到食，影幾張相有幾皮嘢，我今晚就搵唔到食！」影幾張相有幾萬蚊落袋，《壹》仔冇咁嘅本事，但八珍唔信陳司翰呢晚冇啖好食，你傻咋，我唔係！ ####


俱樂部上落客區當時熄咗燈，莊思明（箭嘴）反應夠快，一閃燈就走，陳司翰都未知發生咩事！


莊思明安全離開，等埋傅明憲嘅陳司翰，竟然怪《壹》仔阻佢「搵食」，你咁講嘢，失禮你家姐陳慧琳呀！


衰仔，冇嘢食飲水囉！（設計對白）

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄