Prius 加 V　 7人坐享低碳生活 @ 明星靚相大分享☆

Prius加 V　 7人坐享低碳生活

政府近年十分落力宣傳低碳生活，經常呼籲市民食飯要多啲人一齊、洗衫儲多啲先開機，甚至乎睇電視都最好同隔籬屋組個電視團，聽落確實唔容易。想低碳？豐田全新推出的 Prius V絕對攞足 100分， Prius的 Hybrid油電混合動力已經夠環保，仲要擠多兩個人落去變七座共享資源，真係夠晒抵又夠晒低碳啦！記者：許維雅攝影：蔡家輝Model： Betrys@GME

其他副刊影片扁長車尾風阻低

想呼籲市民善用資源過低碳生活，的確難一步登天，香港充電配套不足，又叫人點用電車呢？所以慳油排放低的油電混能車相對較被大眾接受，好似 Hybrid車始祖豐田 Prius就最受環保車主愛戴。亦正因如此，當日本豐田傳來 Prius將會變身七座 Prius V後，唔少車主都有興趣換走油費貴馬力大的傳統七人車，加入環保一族。其實豐田代理皇冠早前已經運抵一部 Prius V到港，還預計於年尾或出年年頭正式發售，不過見坊間迴響如此熱烈，亦急不及待開車讓傳媒先體驗。外形跟 Prius如親兄弟的 Prius V，最亮眼的分別就是身形脹大了一個碼，長闊高達 4,615× 1,775× 1,575mm，車身不但拉長了 155mm以便加插多兩個座位，流線型車尾設計令新車風阻系數低達 0.29Cd。

放大圖片
■拉長流線車尾，風阻系數低達 0.29Cd。

■拉長流線車尾，風阻系數低達 0.29Cd。

放大圖片
■錶板畫面設定跟 Prius有啲唔同，少了電池狀態圖案顯示。

■錶板畫面設定跟 Prius有啲唔同，少了電池狀態圖案顯示。

放大圖片
■輕觸式屏幕揀歌選台方便就手。

■輕觸式屏幕揀歌選台方便就手。

放大圖片
■全新大圓按鈕可旋轉亦可向左右推調控。

■全新大圓按鈕可旋轉亦可向左右推調控。

每公里油耗$0.96 放大圖片
■摺合中後排座椅，可換來 971公升儲物空間。

■摺合中後排座椅，可換來 971公升儲物空間。

雖然新增的後排座椅跟 Prius V的七人車身形一樣迷你，腳部伸展空間有限，比較適合女生或小朋友坐，但總算坐多兩個人。豐田的油電混合動力系統絕對係最得車主信賴的成熟代表， Prius V沿用第三代的 Hybrid系統， 1.8公升引擎配合電動馬達同步推動，總馬力輸出有 136匹，車主更可因應路面的不同情況去選擇 EV/ECO/POWER三種不同慳油程度行車模式，平均綜合油耗為 17km/L，以現時油費$16.45計，每公里油耗都係$0.96。

放大圖片
■尾廂板下暗格夠晒深，可放不少雜物。

■尾廂板下暗格夠晒深，可放不少雜物。

放大圖片
■放了電池，手枕下的儲物格空間不多。

■放了電池，手枕下的儲物格空間不多。

放大圖片
■後排座椅旁邊 12V電插方便後座乘客。

■後排座椅旁邊 12V電插方便後座乘客。

放大圖片
■變種藍色 mouse形小波棍係 Prius車系的標記。

■變種藍色 mouse形小波棍係 Prius車系的標記。

電池移前令車廂更闊放大圖片
皇冠銷售發展副經理 Jacky

皇冠銷售發展副經理 Jacky

Prius V最亮眼的地方是全新設計的鋰離子電池，不單止比之前更耐用，尺碼細了又移到前排兩座之間，令尾廂有 200公升儲物容量，配合中後排座椅可靈活摺合，最高可騰出 971公升，令內櫳空間運用更實際。之前有聽聞電池移位的目的係增加安全性，減低電池置於車尾被撞的機會，但皇冠銷售發展副經理 Jacky就澄清：「 Prius V車架經過強化後必定有十分堅固的剛性，電池改放前座，主要係方便散熱同埋為後座帶來更多空間。」

50萬車價值唔值？

雖然正式發售價格仍有待遲些揭曉，但預計售價應約$500,000。雖然好多車主都對呢部環保七人車好有興趣，但 50萬車價確實嚇窒唔少人。

放大圖片
湛生：「我有留意佢，因為都想換部七人車，加上慳油又環保，一直想試。若果車價係 40萬頭，反應一定熱烈好多，不過 50萬我都覺得會有人買，我會考慮。」