著名本地時裝設計師Ranee K.（郭翠華），早年開設個人品牌ranee_k，並擁有兩間時裝店，也曾擔任梁詠琪的形象指導；可是數年前，她為家庭一度放棄事業。最近捲土重來，Ranee K.的身份轉換了，由女強人變成人母，伴在身旁的不只是設計圖與布料，還有精靈活潑的兩歲兒子Anton。

今日，Ranee K.不再是孭着背囊自由行遊世界的少女，而是拖着兒子小手旅行的快樂母親；最令她感到高興的，也不只是多了一個旅伴，還能在旅遊當中，發掘兒子平日難於察覺的個性與優點。

Ranee K.的兒子Anton性格怕醜慢熱，初時面對鏡頭時左閃右避，還匿藏於沙發後面。

時間適應

○八年，著名本地時裝設計師Ranee K.低調下嫁商人司徒璧光，翌年五月誕下兒子Anton。為了這份新「工作」，Ranee K.特地結束兩間時裝專門店。直至兒子兩歲後，才重返零售市場，於中環鴨巴甸街開店，「其實喺Anton一歲零三個月前，我好迷茫，覺得生活上有好大嘅轉變，多咗個身份，需要時間去適應，我認為當時首要係照顧咗BB先；不過到佢歲半後，就覺得佢大個咗，亦了解佢多咗，我覺得自己可以做到在職媽咪。」

多了一個「母親」身份的Ranee K.，重開時裝店後，也於店內加入童裝系列，她高興地說：「Anton畀咗好多靈感我，我覺得小朋友嘅衫可以好多圖案、顏色可以好鮮艷，因為佢哋可以喺日常生活每一個細節中學習，譬如佢着咗件黃色衫，你可以問佢呢個顏色英文係咩？件衫有好多水果圖案，又可以同佢練習呢啲水果嘅英文係咩。當然，童裝最緊要以舒服為主，質地盡量要有彈性，物料要多用天然成分嘅！」Ranee K.認為透過穿衣，也可以訓練小朋友獨立及判斷力，不妨讓孩子自己選擇喜歡的衣飾，「因為有主見係好事，做人要有分析能力呀！」

本地著名時裝設計師Ranee K.，於兩年多前為商人丈夫司徒璧光，誕下兒子Anton，數月前才重返職場，為個人事業再打拼。

Anton最喜歡的彩虹色波鞋便是腳上這一對，他更會自行綁鞋帶，表現得十分獨立。

發現旅程

或許Anton遺傳了母親的時裝觸覺，小小年紀已經對衣着甚為講究，更會擺出男模特兒的甫士娛己娛人。個多月前，Ranee K.帶着兒子與女友人到清邁旅行，Anton為了能夠穿上自己最愛的彩虹色運動鞋，刻意將涼鞋扔到水中，不過Ranee K.並沒有責罵他，反而從他的角度了解這個做法的動機，「小朋友做每樣嘢都有佢嘅原因，佢哋諗嘢好單純，佢純粹因為好鍾意對波鞋仔，驚我會同佢換對涼鞋，所以就整濕對涼鞋。其實同小朋友相處，唔好第一時間話佢唔啱，要將心比己，了解佢嘅動機先，如果個動機係唔啱嘅，我哋作為大人嘅就要解釋番畀個小朋友知道。」

Ranee K.說，帶小朋友去旅行絕對是一件快樂事！她從未試過一天廿四小時一手一腳照顧着兒子，但經過這次旅行後，她感覺到與兒子之間的距離縮短了，了解加深了，「出發前，我已經同Anton講定，佢唔可以扭計扭抱，估唔到佢全程真係冇扭過我抱佢，就算佢要坐喺架極不舒服嘅BB車上面等我同朋友shopping，佢都只係扁扁嘴，冇喊過，我覺得佢好有口齒，好有耐性，呢次旅行好似係我嘅一個『發現Anton旅程』。」

年多前，Ranee K.抱着愛兒拍了一輯照片，其時的Anton赤裸上身、木無表情，還未知發生甚麼事。

給予最好

Anton的懂事、聽話，令首當人母的Ranee K.甜在心頭，而她對於兒子也是呵護備至、事事關心，例如Anton三個多月大時便讓他上按摩班，鍛煉肌肉，五個月便讓Anton上playgroup學英語、普通話；現時兒子也有學習游泳、音樂班及日文班，「主要都係睇番佢嘅興趣，我發覺佢語言方面發展得幾好。早排食完晚飯，我帶佢出外面散步，佢見到好大嘅月亮，就作咗首歌出嚟：『I see moon I see moon，I see moon and moon see me!』我嗰刻直情呆咗，覺得好浪漫，佢令我有拍拖嘅感覺。」Ranee甜笑着說。

因此，Ranee K.希望將最好的給予兒子，約三個多月前，她便讓Anton轉食ILLUMA奶粉，她認為該奶粉有助支持鈣質吸收，其含結構脂Sn-2 Palmitate的脂肪組合更容易被BB吸收，因脂肪酸是幫助形成腦部及神經系統結構。訪問結束前，她還說出對兒子的希望：「其實我都係用平常心湊仔，唔好過分讚賞或者責罰，我只希望佢有堅持到底嘅心，去做佢想做嘅嘢，當然，要做一個正直嘅人啦。」