應屆港姐冠軍朱晨麗前晚首次行時裝騷便跟一眾名模正面交鋒，V胸上陣的她自言是港姐，而且有個人行騷風格，故無意跟對手比較。
前晚朱晨麗偕名模姚予晴、Cara G.、松岡李那、Melanie Z.、Alice B.及Madi Ross，為又一城舉辦的《梵高．秋色．時裝展》行騷，示範秋冬系列。首次行騷的朱晨麗認為有進步空間，事前亦有參考名模怎樣行騷，雖然服飾不性感，但仍做足防走光措施。
問到可感到身材比同場名模輸蝕？朱晨麗說：「佢哋係專業模特兒，我係香港小姐，唔可以比較。（向佢哋偷師？）綵排時有睇佢哋行，但我有自己風格，唔一定要個個行到一樣。（想接多啲時裝騷？）有機會會想。（泳衣騷呢？）要問公司。」她又指有留意近期的挖角潮，但作為新人，只會盡力做好本分，其餘交由公司解決。
姚予晴恨被趕走
同場的姚予晴透露日前家中爆水管兼撞正打風，48小時沒水用：「我要去朋友屋企沖涼，又要買支裝水飲，我仲舀咗40幾桶水。」她大呻爆水管令家中地板盡毀，又笑言當初貪平租住這間屋：「間屋有18年樓齡，3年內爆咗兩次水管！我諗住下年年頭搬，希望樓價平啲可以買樓。（你咁講唔怕包租婆趕你走？）佢趕我走仲好呀！」
名人組
首次行騷的朱晨麗甚有台型，無懼身材比同場名模輸蝕。
身穿大露背長裙的Cara G.高貴大方，不失美態。
穿背心裙大晒事業線的松岡李那受訪時開懷大笑。
姚予晴笑言很後悔租住了狂爆水管的單位。
文章標籤
全站熱搜
留言列表
