印度直擊 港姐晒比堅尼驚見火柴人8號彭慧中 D Cup崛起
【第 38屆港姐之一鳴驚人】 15位候選港姐昨日繼續在印度拍攝外景，並首度穿上三點式泳衣示人，不過眾佳麗普遍身形偏瘦，貌似郭可盈的 7號何樂翩更是排骨之最。不過黑馬 8號彭慧中憑 D cup暴乳崛起，榮登港姐咪神搶盡風頭，勇挫大熱「的骰湯唯」 11號李文煊。
其他娛樂名人影片
眾準港姐昨日在印度 Samode Palace Hotel首度穿泳衣示人，擁 D Cup巨咪的 8號彭慧中穿上三點式後特別自豪，身材勁又狀態勇，橫掃全場佳麗； 3號張藝婷及「脹爆祖賢」 15號張秀文也身材驕人，但其他佳麗大多身形偏瘦，排骨組成員包括 7號何樂翩、 9號李雪瑩及 10號馬鈞怡，尤其何樂翩瘦骨嶙峋猶如患有厭食症，我見猶憐。
放大圖片 
7號何樂翩瘦如火柴人，心口可以彈琵琶。
放大圖片 
「脹爆祖賢」 15號張秀文身材也相當有睇頭。
7號何樂翩自覺健康 放大圖片 
15位準港姐昨日首度以三點式示人，但大多佳麗皆身形偏瘦。
21歲的彭慧中昨日驟成風頭躉，談到自己的身材時，她說：「 OK啦，都係遺傳，我身材平均嘅。」她又笑言佳麗瘦人多：「我企埋佢哋側邊覺得自己肥，唔係想減，係想練多啲肌肉。」身高 5呎 7吋的何樂翩體重僅約 100磅，瘦如火柴人，她卻說：「我由細到大都係咁，唔覺有乜嘢問題，每個佳麗有唔同嘅靚，需要嘅身材唔同。」是否滿意自己身材？她說：「覺得自己健康舒服咪得囉。」李雪瑩雖瘦但現腹肌，她承認小時候有練體操及跳彈床：「但我食極唔肥，嚟到印度瘦幾磅。」
11號李文煊收水回勇 放大圖片 
11號李文煊昨日狀態回勇不再水腫，但身材不算突出。
此外，前日水腫的 11號李文煊昨日回勇，惜被彭慧中大胸狙擊，但她也讚彭慧中的確身材好：「有咁嘅身形就梗係好，但唔會羨慕。」她認為自己可以再瘦一點，前日已刻意吃清淡食物。提到有人質疑其大學畢業學歷真偽，李文煊即自信地說：「你哋可以 check吓，我嘅成績唔 top但 OK。」有指她性格開放，她驚訝回應：「點會呀？屋企好嚴 o架！」她表示就讀大學時曾交男朋友，現時則單身。採訪：楊潔雯 攝影：黃偉雄 
貌似白歆惠及侯佩岑混合體的 8號彭慧中，昨日穿上三點式泳衣以 D Cup巨乳力壓群雌。
記者黃偉雄印度傳真
6號林碧珍陪富家子夜蒲
現年 23歲的港姐佳麗 6號林碧珍，報稱仍是學生的她，近日接二連三被人在網上張貼攬仔照，昨日本報又接獲電郵爆料，指林碧珍被刊登的夜蒲攬仔照中，陪伴她身邊的短髮男子正是其同樣姓林的男友，洋名 Hanson，是一間金屬製品廠的太子爺，家境富裕。爆料電郵並附上五張林碧珍與其男友的合照，當中有四張為同一日拍攝，兩人偕同一班朋友在屋內開 P，枱面上放有蛋糕，應為生日派對，玩得甚 high的 Hanson更頭戴紙筒帽與女友貼面合照，眾人又隊酒玩啤，林碧珍也加入陣營。另外一張則是林碧珍夜蒲照片，她摸着男友臉頰影相，表現煙韌。身處印度的林碧珍昨日對被揭攬仔一事說：「啲相係 3、 4年前影嘅，嗰個係男朋友，啲相唔算攬仔，只係生活照，但大家分咗手啦。」撰文：林妃若讀者知道今屆入圍港姐的底細，歡迎電郵至 mailto:adent@appledaily.com報料。 
昨日又流出 6號林碧珍與富貴男友 Hanson的開 P私房照。
讀者提供圖片
留言列表
