開騷辣火頭 寫定道歉信農夫寸華仔 唱歌冇人明
由陸永及 C君組成的農夫，前晚處男紅館騷順利完成，兩人瞓身以多個不同造型又唱又跳，當中更演出棟篤笑寸盡港、台的天王天后，嘲笑劉德華唱歌死板無起伏十足念經，又狂寸剛剛在台灣開完騷的周杰倫，年屆 30有多還打扮似足聖鬥士星矢，當中更以英文玩諧音爆粗，笑爆全場。
其他娛樂名人影片
雖然農夫處男紅館演唱會只開一場，不過前晚兩人瞓身演出，其中陸永和 C君更大玩棟篤笑寸盡港、台兩地的天王天后包括有劉德華、黎明（ Leon）、鄭秀文（ Sammi）及周杰倫等，辣盡火頭。甫開始兩人先辣 Sammi，他們笑說：「 Sammi張福音碟嘅甫士，普通歌手係唔會擺，只有 AV男優先做，因為鏡頭只影下半身。仲有家連耶穌都信埋嘅 Sammi，我都信奉佢。」接着嘲華仔， C君說：「聽華仔歌好似佛歌一樣，冇起伏，首首歌差唔多。」陸永續說：「以前華仔身邊總有小朋友村姑，但近年連人類都聽唔明佢啲歌，以動物為主。我明白點解佢唔認結婚，因為佢戒掉七情六慾，蔡瀾浸溫泉都攬女，但佢就攬狒狒，大家買劉華念佛機。」
放大圖片 
華仔一向在圈中被讚大好人，相信被農夫狂寸唱歌死板也不會介意。資料圖片
放大圖片 
安哥部份農夫因觀眾的熱情再度以背心長褲出場，陸永更一度興起掀起上衣。
嘲黎明逼瘋藝人
之後連剛在台灣開完騷的周董也不放過， C君寸他一身打扮：「十足聖鬥士星矢，正常智慧都唔會着成咁， 30幾歲着成咁真有種，如果佢唔係咁……」此時 C君和陸永做出「 7」字手勢，擺明寸他儍仔。之後農夫意猶未盡再寸古巨基經常「三七」面示人，而黎明的金句則令人匪夷所思逼瘋旗下歌星，甚至取笑好友張繼聰不識避孕結果奉子成婚。
放大圖片 
除了又唱又跳外，農夫亦有穿上以百寶腸做成的西裝自彈自唱。
放大圖片 
何超儀（中）及老公陳子聰拍拖睇騷，雖然超儀戴上口罩但依舊做手勢。
借英文諧音爆粗 放大圖片 
陳冠希上完台後即坐在觀眾席，與 DJ Tommy（中）及俞琤欣賞愛將表演。
最抵死是農夫以英文諧音爆粗，他們說：「家啲人成日講最理想最正常小童高度，其實你哋明唔明我哋講乜，係 Ideally normal child height。」台下觀眾一齊大聲講諧音粗口，笑爆全場。尾聲時陸永和 C君不忘向父母及養母致謝，場面感人，最後「安哥」一次兩人以背心長褲出場清唱一曲完場。慶功宴時問到兩人會否擔心得罪人？陸永和 C君冇有怕說：「唔怕，我哋之前已寫咗道歉信，華仔都叫我哋盡情講。」採訪：馬建華攝影：黃文成 
演唱會尾聲時陸永和 C君以野人造型出現，相當惹笑。
留言列表
