A貨李小龍內地升呢陳國坤夥拍星爺收平啲
陳國坤有港產李小龍之稱，撼贏眾多對手接拍內地電視劇《李小龍傳奇》，令他身價上漲進軍內地。問陳國坤日後會否與一手提攜他的周星馳合作？他即說：「佢肯請我收平啲！」
亞視外購劇《李小龍傳奇》現正播映，劇集早年由央視拍攝，選角起用了翻版李小龍陳國坤，該劇在內地播映後廣受歡迎，他自認比起當年在香港拍電影時身價升呢不少，故近年專注內地發展及投資製作。
「一日硬食幾百拳」 放大圖片 
自小愛耍雙截棍的陳國坤，對他而言毫無難度。
問陳國坤日後會否與舊老闆周星馳合作？他日前接受本報記者訪問時笑言：「佢肯請我收平啲，喺香港用家內地畀我嘅價錢，可以請更有知名度，所以近年都喺內地發展，又唔會講價。」《李》劇在亞視推出，陳國坤有所期盼，他說：「李小龍唔係講普通話，因為喺內地拍配咗普通話對白，加上今年係李小龍 70歲冥壽，套劇喺香港播更有意思。」李小龍最耍家雙截棍及功夫，對陳國坤而言他耍雙截棍自小玩到大，難度不算最高，相反拍攝打戲時就相當辛酸，拍攝《李》劇時，陳國坤每日硬食對手拳腳，令他記憶猶新，他說：「啲演員好多都係武術同打擂台高手，拍打戲唔止打一拳，一日硬食超過幾百拳，打到拳頭好似叮噹雙手咁，左邊膝頭韌帶撕裂，骨膜炎呢啲都經常有，所以受傷係最大記憶。」
做逾千 sit up練腹肌 放大圖片 
陳國坤憑《少林足球》為人熟識，他願減價再與伯樂星爺合作。資料圖片
陳國坤暫時不會接拍同類型角色，因為太多人開拍，而且拍攝前要作好一段時間準備，他說：「辛苦在要練腹肌，每日起碼做過千下 sit up加引體上升。」李治廷即將拍攝東方電影與星皓合作的電影《李小龍傳》，狂操腹肌，陳國坤表示有留意相關消息，他說：「近年喺香港李治廷係最似李小龍，又後生又靚仔。」採訪：卓寶花 攝影：黃偉雄 
陳國坤因為貌似李小龍，帶挈他北上拍攝劇集《李小龍傳奇》。
留言列表
