6月 10日德福睇家品 眉目傳情
逛了約半小時，傅穎只揀了一條黃色毛巾。雖然大庭廣眾，但情到濃時，兩人仍忍不住眉目傳情，傅穎含春微笑，非常冧爆。
娛樂頂點
兩度密會斷正 傅穎大隻謙拍拖 2個月
2010年06月18日
即將推出繪本寫真的傅穎（ Theresa），揚言今年會有性感突破，不過近日卻被指出書示愛，暗追 42吋胸的同門師兄羅仲謙。不過實情是大隻謙早已對傅穎嗒糖，今年初更開始發力狂追，並在兩個月前打動芳心，和傅穎秘密拍拖兩個月！
正處於熱戀的他們非常癡纏，頻頻密會，更被本刊兩度斷正。雖然二人例牌否認戀情，但回應時卻忍不住互冧對方。大隻謙甜蜜讚女友：「佢係好女仔！」而傅穎亦大讚男方 gentleman，認真冤氣！
互動片段
26歲的傅穎，去年 10月高調改投星皓懷抱，轉換新環境的意外收穫是結束兩年 dry爆感情生活，與同門大隻仔、擁 42吋巨胸的羅仲謙拍拖。
我係你嘅人，你想咬就咬啦！（設計對白）
出書畫男友
傅穎在新書中向大隻謙傳情，自畫了一張肌肉男的圖畫，更笑言想咬一口。
做觀音兵感動女方
感情生活甜蜜蜜的傅穎，近日在將出版的繪本散文中曖昧說：「常幻想着你胸前的兩塊肌肉，是多汁肥美的肉扒，很想一口咬下去；這不是色，只是你身體呈現的狀態，使我有這種聯想。」雖然傅穎並沒有指名道姓，但身邊人一看，便知她所形容的正是大隻謙。
知情人士透露：「佢哋係舊年變咗同門先識，因為同公司又同年齡，所以好啱傾，好快變得熟絡。謙仔本來係怕醜仔，但係遇上女神都忍唔住發動猛烈攻勢，成日傳短訊去關心女方，又陪食飯陪 shopping。好似今年 2月初，傅穎去澳門做嘢，謙仔又陪佢去。 2月 2日傅穎諗住搭船返香港，點知發現唔見手機，當時謙仔好緊張，周圍幫佢搵，又陪佢報警，全程做護花使者，令傅穎好感動，所以今年 4月終於肯同謙仔拍拖。當時佢哋都俾人影過出街，不過冇人知佢哋拍拖啫。」
傅穎在新書將男友地位浮面，謙仔亦禮尚往來，上月底出席活動時就透露心目中的理想對象是長鬈髮女仔，擺明隔空傳情。「早排謙仔喺無綫劇《搜下留情》靠肌肉彈起，人人當正佢同劇中女朋友鵪鶉妹（黃智雯飾）係一 pair，佢唔想女友誤會，咪出口術冧女友囉。雖然佢哋好忙，不過都成日抽時間見面，好癡纏！」
上月 30日晚上約 10時，記者發現二人同遊又一城商場。為掩飾身分，傅穎晚上仍戴黑超，而謙仔就戴上 cap帽，但途人還是將二人認出，結果二人要轉場到尖沙嘴繼續拍拖。到本月 10日，謙仔為港姐特輯密集綵排，但為了爭取時間與女友見面，竟攝出兩個鐘會佳人。當日謙仔下午返電視城，直踩至傍晚 6時許即駕車到九龍灣德福宜家傢俬陪女友行街撐枱腳，至 8時多又趕返電視城繼續綵排，相當頻撲。
收工會女友
羅仲謙擔任今屆港姐嘉賓，並隨團出發到印度拍攝外景。上周四（ 10日）黃昏六時多，羅仲謙在 TVB綵排後，急急取車離開。
前後腳避嫌
原來羅仲謙佳人有約，他會合早在九龍灣 IKEA行街的女友傅穎，由於途人太多，兩人前後腳行，非常避忌。
晒胸肌冧女友
但當二人行到較少人的毛巾區域時，羅即時烏低晒肌，逗傅穎開心。
撐枱腳
Shopping完後，小情侶在傢俬店的餐廳內醫肚，羅仲謙很有風度，全程由他付錢和取食物。而坐在一旁的傅穎為保持儀容，不忘拿化妝品補妝。
扶女友
直至 8時 45分，要趕回 TVB繼續綵排的羅仲謙先送女友到圓方繼續行街。到了停車場暗角，羅仲謙更用手輕扶女友玉臂。
5月 30日又一城 shopping
陪女友行 I.T
5月 30日，晚上 10時，記者首次發現傅穎和羅仲謙二人結伴行街，當時男方陪傅穎入 I.T睇鞋。
鬼祟離開
10多分鐘後，傅穎為怕被認出，索性架上黑超，而羅仲謙則將帽子拉低，相當避忌。
4月 26日羅仲謙拖傅穎出席《葉問 2》首映，但由於兩人同屬星皓，因此並未引起懷疑。
大隻謙：女仔唔使胸大
本周三（ 16日）傳穎在微博放上一張家中小狗相，卻發現弱質纖纖的她，家中竟然有對啞鈴，似乎啱緋聞男友大隻謙用多啲喎！
本周一（ 14日）羅仲謙出席港姐記招，當他得知被本刊拍下密會照後，呆了兩秒才笑笑口說：「我同 Theresa只係朋友，依家關係好好，咁朋友見面食飯好正常啫。 Theresa係好女仔嚟 o架，佢好專心工作，你哋唔好亂寫。（佢畫嗰幅肌男畫係咪你嚟？）全港咁多大隻佬，唔一定係我嘅！」記者追問他鍾意邊類女仔，佢即時露出馬腳：「我鍾意皮膚白嘅女仔。（身材？）唔使胸大，我鍾意細細地！」
至於傅穎，在電話中同樣說大家屬朋友關係，但她亦忍不住大讚謙仔：「佢好 gentleman，好有禮貌。」不過當問她所畫的肌肉男是否羅仲謙時，她只拋下一句：「呢個唔講！」相當避忌。
留言列表
